ਵੈਨਕੂਵਰ: ਮੈਟਰੋ ਵੈਂਕੂਵਰ ਵਿੱਚ ਇਸ ਵੀਕੈਂਡ ਦੌਰਾਨ ਗੈਸ ਦੇ ਭਾਅ ਕਾਫੀ ਘਟਣ ਦੀ ਸੰਭਾਵਨਾ ਹੈ, ਅਤੇ ਇਹ ਅਜਿਹੇ ਪੱਧਰ ‘ਤੇ ਪਹੁੰਚ ਸਕਦੇ ਹਨ ਜੋ ਪਿਛਲੇ ਕਈ ਸਾਲਾਂ ਤੋਂ ਨਹੀਂ ਦੇਖੇ ਗਏ। GasWizard ਅਨੁਸਾਰ, ਭਾਅ 10 ਸੈਂਟ ਪ੍ਰਤੀ ਲੀਟਰ ਘਟ ਸਕਦੇ ਹਨ ਅਤੇ 157.9 ਸੈਂਟ ਪ੍ਰਤੀ ਲੀਟਰ ਤੱਕ ਪਹੁੰਚ ਸਕਦੇ ਹਨ। ਗੈਸ ਸਟੇਸ਼ਨ ਆਮ ਤੌਰ ‘ਤੇ ਸ਼ਾਮ ਨੂੰ ਆਪਣੇ ਰਿਟੇਲ ਮਾਰਜਿਨ ਨੂੰ ਘਟਾ ਦਿੰਦੇ ਹਨ, ਜਿਸ ਨਾਲ ਡ੍ਰਾਈਵਰ ਹੋਰ 8 ਤੋਂ 10 ਸੈਂਟ ਪ੍ਰਤੀ ਲੀਟਰ ਬਚਤ ਕਰ ਸਕਦੇ ਹਨ। ਇਹ ਕਮੀ ਟ੍ਰੰਪ ਟੈਰੀਫਸ ਕਾਰਨ ਆਰਥਿਕ ਅਸਥਿਰਤਾ ਅਤੇ ਤੇਲ ਮਾਰਕੀਟ ਵਿੱਚ ਉਥਲ-ਪੁਥਲ ਦੇ ਕਾਰਨ ਹੋ ਰਹੀ ਹੈ।ਕਾਰਬਨ ਟੈਕਸ ਨੂੰ ਹਟਾਉਣ ਨਾਲ ਵੀ ਭਾਅ ਵਿੱਚ ਕਮੀ ਆਈ ਹੈ, ਜਿਸ ਨਾਲ 17 ਸੈਂਟ ਪ੍ਰਤੀ ਲੀਟਰ ਦੀ ਕਮੀ ਹੋਈ। ਹਾਲਾਂਕਿ ਭਾਅ ਵਿੱਚ ਉਤਾਰ-ਚੜ੍ਹਾਅ ਹੋ ਸਕਦੇ ਹਨ, ਇਸ ਲਈ ਆਪਣਾ ਬਜਟ $1.65 ਤੋਂ $1.70 ਪ੍ਰਤੀ ਲੀਟਰ ਦੇ ਵਿਚਕਾਰ ਬਣਾਉਣ ਦਾ ਸੁਝਾਅ ਦਿੱਤਾ ਜਾਂਦਾ ਹੈ।