ਬ੍ਰਿਟਿਸ਼ ਕੋਲੰਬੀਆ:ਬ੍ਰਿਟਿਸ਼ ਕੋਲੰਬੀਆ ‘ਚ ਫ੍ਰੇਜ਼ਰ ਹੈਲਥ ਅਤੇ ਵੈਂਕੂਵਰ ਕੋਸਟਲ ਹੈਲਥ ਨੇ ਚੁੱਪ-ਚਾਪ ਹਸਪਤਾਲਾਂ ‘ਚ ਓਵਰਟਾਈਮ ਤੇ ਆਖ਼ਰੀ ਮਿਨਟ ‘ਤੇ ਕੀਤੀ ਜਾਣ ਵਾਲੀ ਸ਼ਿਫਟ ਲਈ ਦਿੱਤੀ ਜਾਣ ਵਾਲੀ ਵਾਧੂ ਤਨਖਾਹ ‘ਤੇ ਰੋਕ ਲਾਉਣੀ ਸ਼ੁਰੂ ਕਰ ਦਿੱਤੀ ਹੈ, ਤਾਂ ਜੋ ਖਰਚੇ ਘਟਾਏ ਜਾ ਸਕਣ। ਹੈਲਥ ਅਥਾਰਟੀਜ਼ ਕਹਿੰਦੀ ਹਨ ਕਿ ਇਹ ਕਦਮ ਕਰਮਚਾਰੀਆਂ ਦੀ ਭਲਾਈ ਅਤੇ ਸਿਸਟਮ ਦੀ ਕਾਰਗੁਜ਼ਾਰੀ ਵਧਾਉਣ ਲਈ ਹਨ, ਪਰ ਫਰੰਟਲਾਈਨ ਕਰਮਚਾਰੀ ਡਰਦੇ ਹਨ ਕਿ ਇਸ ਨਾਲ ਐਮਰਜੈਂਸੀ ਅਤੇ ਇੰਟੈਂਸਿਵ ਕੇਅਰ ਯੂਨਿਟਾਂ ‘ਚ ਪਹਿਲਾਂ ਹੀ ਗੰਭੀਰ ਸਟਾਫ਼ ਦੀ ਕਮੀ ਹੋਰ ਵਧੇਗੀ, ਜਿਸ ਨਾਲ ਵਾਧੂ ਬੋਝ ਅਤੇ ਸੁਰੱਖਿਆ ਖ਼ਤਰੇ ਵਧਣਗੇ। ਨਰਸਾਂ ਦਾ ਕਹਿਣਾ ਹੈ ਕਿ ਨਵੀਂ ਪਾਲਿਸੀ ਬਿਨਾਂ ਕੋਈ ਲਿਖਤ ਰਿਕਾਰਡ ਬਣਾਏ, ਮੌਖਿਕ ਹੀ ਦੱਸੀ ਗਈ ਤਾਂ ਜੋ ਜਨਤਕ ਵਿਰੋਧ ਤੋਂ ਬਚਿਆ ਜਾ ਸਕੇ। ਇਸਦੇ ਨਾਲ ਹੀ, ਸੂਬੇ ਦੀ ਹੈਲਥ ਸਿਸਟਮ ‘ਚ ਖਰਚੇ ਘਟਾਉਣ ਲਈ ਸੈਂਕੜੇ ਗੈਰ-ਫ਼ਰੰਟਲਾਈਨ ਅਹੁਦੇ ਖਤਮ ਕੀਤੇ ਗਏ ਹਨ ਅਤੇ ਗ਼ੈਰ-ਗੰਭੀਰ ਰੋਲਜ਼ ‘ਤੇ ਨਵੀਆਂ ਭਰਤੀਆਂ ‘ਤੇ ਰੋਕ ਲਗਾ ਦਿੱਤੀ ਗਈ ਹੈ।